සිංහල බස සහ සිංහල බස හා සමාන්තරව ලංකාවේ වැහැරෙන අනෙක් බාසාවල අකුරු රූප හැඩතල විද්‍යාත්මකව විග්‍රහ කරන්නේ කෙස්ද යන්නත් එම විග්‍රහයන් ප්‍රායෝගික භාවිතයට විහිදුවන්නේ කෙසේද යන්නත් ගැන වසර ගණනක සංවාදයක් අප අතර තිබේ. එම දැනුම නොයෙක් මාධ්‍යයන්හි ප්‍රකාශයට පත්කිරීමද විටින් විට සිදුකර තිබේ. එනමුත් එම විෂය කලාපය ගැන උනන්දු, එම සමස්ත දැනුම් කලාපය වෙත එළඹෙන්නට රුචි අයෙකුගේ දැනුම් පිපාසය සංසිඳුවන, නව අදහස් පුබුදුවන්නට තුඩුදෙන දැනුම් ගබඩාවක් පවත්වාගැනීමේ අවශ්‍යතාවයද නොයෙක්වර දැනී තිබේ. එහිදී, දැනටමත් ඒ සඳහා කෙරී ඇති දායකත්වයන් සියල්ලටම පාහේ එකවර ප්‍රවිශ්ට වියහැකිකම මෙන්ම අකුරු ගැන කතිකාවේ කේන්ද්‍රයක් ලෙසද පැනවිය හැකි අකුරු වෙබ්අඩවියක් එළිදැක්වීම එහි මුඛ්‍ය අවශ්‍යතාවයක් බව නොයෙක් අයුරින් අවබෝධවී තිබේ. එහෙයින්, බොහෝ දෙනාගේ හිතසුව පිණිසත් සැමගේ ඥාණාලෝකය අවධි කරවනු පිණිසත් akuru.xyz යනුවෙන් අපගේ වෙබ් අඩවියක් එළිදක්වන්නට කටයුතු සියල්ල සූදානම් කරගෙන යන්නෙමු. මේ සටහන ඔබට ලැබෙන්නේ ඒ සඳහා දායකත්වය දක්වන්නට ඔබගේ ලියැවිලි සහ අදහස් සුදුසු බව අප සිතන හෙයිනි.
බොහෝ කාලයක් බොහෝ දෙනාගේ ප්‍රයෝජනය පිණිස පවතින්නටත් සුදුසු අයුරින් එළිදක්වනවිට ඒ සඳහා සුදුසු මාර්ගෝපදේශයක් සහ රීති සමුදායක් අනුව කටයුතු කිරීම සුදුසු බව අවිවාදිතය. එහෙයින් මෙම වෙබ් අඩවියෙහි අන්තර්ගතය සඳහා යම් නිර්දේශ සමුදායක් ගොඩනැංවීම ගැන අදහස් මෙම ලේඛණය තුල අන්තර්ගත කෙරේ.
වෙබ් අඩවියෙහි අන්තර්ගතය අදහසක්, සටහනක්, ලියමනක්, පර්යේෂණ පත්‍රිකාවක් ආදී ලෙසින් එහි ඇතුලත් අදහස ප්‍රකාශ කිරීමට සුදුසු ඕනෑම ස්වරූපයක් ගත හැකිය. අදහස් පුබුදු කරවන්නට හැකි නවමු එළඹුමක් කෙටි සංක්ෂේප අදහසක් ලෙස එළිදැක්විය හැකිය. එසේම, දැනට ඇති මතවාද ඛණ්ඩනය කෙරෙමින් ලියන විට පර්යේෂණ පත්‍රිකාවක ලෙසින් උද්ධෘතයන්, ආශ්‍රේයයන් සහ සබැඳීන් සහිතව ලිවිය හැකිය. එනමුදු මේ නොයෙක් ආකාර ලියමන් කියවන්නාට අදහස් ග්‍රහණය කරගැනීමට පහසු වනු පිණිස ප්‍රශස්තීකරණය කළ හැකිනම් එහි උපයෝගීතාවය වැඩිවන බව ඉතා පැහැදිලිය. එසේ හෙයින්, පාඨකයාගේ පහසුව සහ උපයෝගීතාවයත් පිළිබඳ මාර්ගෝපදේශයක් සේ මෙය හඳුනාගත යුතුය.
පළමුවෙන්ම කෙටි, මැදුම්, දිගු ලෙස ලිපියෙහි වචන ප්‍රමාණය අනුව කෙරෙන වර්ගීකරණයකි.
The Sinhala Typographers Meetup, hosted by Akuru Collective in January 2019, brought together font designers to discuss typography challenges in Sri Lanka and share ideas, including a safe platform for font releases